1- الهدف والصبر...... بمعنى انك بعد ماتعرف البلد تحدد هدف وتسعى من أجله بدون يأس البلد دى فيها تكافوء فرص والى هايتعب فيها هايلاقى بس يتعب بعقل وبهدف مش يتعب من غير هدف .

2- الثقه بالنفس ...... الثقة بالنفس مطلوبه جدا بدون فهلوة يعنى لو واثق انك عارف فى حاجه قول انك عارف فيها وبثقه مش عارف قول مش عارف عادى من غير فهلوه .

3- التعليم .... بعد ماقولنا الهدف والصبر والثقه بالنفس اتمنى ان كل واحد يكون هدفه التعليم لان هو ده الى هايغير حياتك فى امريكا 180 درجه وفى كذا طريقه عشان تتعلم مش قضية فلوس الفلوس ممكن تستلفها بقروض بس ليه التعليم لعدة اسباب اولها انك هاتفرض نفسك على البلد هاتتعلم صح هاتعمل فلوس صح مش ابو 8 و 10 دولار فى الساعه لا هاتعمل فلوس حلوه على حسب الى درسته ومستواك وخبرتك .

4- اوعى تسيب حقك وتخاف البلد دى فيها القانون فوق الجميع تعرضت لظلم لازم تتطالب بحقق لو امريكى شتمك اشتمه لو ضربك اضربه حد اكل فلوس عليك اشتكيه وهكذا المهم اوعى تسيب حقك وتحس انك بلاقيمه .

5- ربنا كرمك وبقيت مرتاح اوعى تنسى اهلك اوعى تسيب محتاج وماتساعدوش اى محتاج مصرى امريكى اى حد لانك وجهة لبلدك الام سواء رجعت مصر او لا فى غيرك جاى من مصر لازم تخليهم يحترموا المصريين و الناس كلها فيها الصالح والطالح . وكان الله فى عون العبد ما دام العبد فى عون اخيه ..

اى سوال اتفضلوا وانا هابقى اجاوب بالى اعرفه بس .. اخوكم احمد رمضان REDJ_2006

السلام عليكم اخ أحمد

شكرا للموضوع وشكرا للنصائح المفيده ولو عندي مداخله صغيره



4- اوعى تسيب حقك وتخاف البلد دى فيها القانون فوق الجميع تعرضت لظلم لازم تتطالب بحقق لو امريكى شتمك اشتمه لو ضربك اضربه حد
اكل فلوس عليك اشتكيه وهكذا المهم اوعى تسيب حقك وتحس انك بلاقيمه

صحيح البلد دي فيها قانون ومثلما تفضلت القانون فوق الجميع يعني لو امريكي او عربي شتمك عادي اشتمه ولكن اذا ضربك ليس من مصلحتك ان تضربه
لسبب بسيط.... سوف يسقط حقك عندما تشتكي عليه وبهذا لن تسيب حقك ولن تحس انك بلا قيمه

شكرا لك مره ثانيه واعتذر عن المداخله

تحياتي